Xhon Lenon

I lindur në Liverpul (Mbretëria e Bashkuar), ndonëse jetoi pak vjet, vetëm dyzet, Xhon Lenon revolucionarizoi botën e muzikës pop. The Beatles, i themeluar prej tij, në vitet 1960 arriti në krye të listës, si grupi më i suksesshëm muzikor në mbarë botën. Ata i bënë jehonë stilit të jetës të hippy-ve, që përfaqësuan një brez të tërë. Xhoni ishte një muzikant dhe kompozitor me cilësi të shquara, me një ndjeshmëri të lartë dhe stil të ëmbël, që pati sukses si me baladat intime, ashtu edhe me ritmet e furishme. Pasi u shpërbë grupi dhe u lidh me artisten Joko Ono (Yoko Ono), ai u bë një ikonë pacifizmi. Humbi jetën në mënyrë paradoksale, duke u vrarë nga një fans i çmendur i tij. Sa herë që dëgjojmë Imagine, ne marrim një ndjesi të çuditshme mes nostalgjisë dhe shpresës!