Milena Selimi

MILENA
SELIMI

Përkthyese e librit “Fizika e trishtimit“

Milena Selimi ka eksperiencë të pasur si gazetare, përkthyese, skenariste dhe shkrimtare, si dhe përvojë menaxhimi në media. Ka bashkëpunuar në Organizata Kombëtare e Ndërkombëtare si korrespondente, koordinatore, moderatore dhe anëtare jurie në fushën e gazetarisë, filmit dhe kritikës.

Ka sjellë në shqip vepra të ndryshme nga bullgarishtja, maqedonishtja dhe serbishtja dhe ka sjellë në shqip vepra të autorëve Nikola Madzirov, Alek Popov, Edo Popoviç, Milen Ruskov, Ognjen Spahić, Vladan Matijević, Lidija Dimkovska. Ka studiuar Gjuhë shqipe dhe Letërsi në Universitetin e Tiranës dhe si dhe ka kryer studimet Master në Gazetari Televizive në universitetin “Kliment Ohridski”, Sofje.

Ka përvojë menaxhimi në media, si drejtoreshë në Kanalin 2 të Radio Tiranës, kryeredaktore në revistat “Kult” dhe “Jeta”, kryeredaktore e programeve në Radio Tirana dhe Këshilltare për Media dhe Komunikim në Ministrinë e Kulturës. Punon si Drejtoreshë e Medias dhe Komunikimit në COD ‒ Center for Openness and Dialogue.